مفهوم القضاء والقدر


رابط المقال علي الصفحة الشخصية عــام 2016بنسبة للقضاء والقدر_ بإختصار شديد
القدر هو كل نتيجة تحدث للإنسان بس الإنسان له يد فيها
مثل الزوجة مثلا
دي قدر شئ مرتبط بيك وله علاقة بيك ومن اختيارك وده مثال للتقريب
_ والإنسان ممكن يتحكم في قدرة
علشان كدة ربنا قال _إنه فكر وقدر فقتل كيف قدر ثم قتل كيف قدر
_________________
والقدر ده بيكون مرتبط بأشياء كتيره احيانا بيكون الانسان مش مدرك ابعادها
مثل النية والظنون والمعتقدات والافكار ونظرتك للواقع
فضلا عن ارتباط الاقدار بنقص المعلومات عند الانسان مثال لو حضرتك مسكت سلك كهرباء وانت مش عارف ان الكهرباء ممكن تموتك وأنا بقول مثلا
فده قدر ضرر ليك وبسببك وبالتحديد بنقص المعلومات عندك
علشان كده مهم جدا أنك تتطور معلوماتك بإستمرار مش علشان شهادة ومنظرة وخلاص
لا علشان تقدر تعيش حياء سعيدة وتقدر تكون سعيد من جواك وراضي عن نفسك
وتتذوق بهجة النعيم
وفي نفس الوقت تعرف أنك مهما بلغت من قوة وعلم فأنت لم تتعدي خط الجهل
وده مثال تاني لو رحت اشتريت بطيخة مثلا ولقيتها قرعة ده قدر سلبي سببة نقص المعلومات عندك ههههههههههههه
لإنك كان المفروض تبقي عارف ان دي قرعة
وممكن واحد يقولي طب اعرف اذاي؟ اهو كان المفروض تبقي عارف فعلا
مش بهزر علي فكرة لإن كل شئ بيكون له معالم بس محدودية الإنسان في معلوماتة عائق
ذي مثلا ذمان كان صعب نعرف حالة الطقس هتكون عاملة اذاي بس مع تطور العلم اصبحنا بنعرف الكلام ده بسهولة
فكل شئ في المستقبل له معالم في الحاضر ودي طبعا ملهاش علاقة بالغيب الغيب حاجة تانية علشان محدش يقول دا غيب
ذي النواية مثلا احنا عارفين انها لو تم زرعها في الارض هتطلع نخلة دي احد معالم المستقبل في الحاضر ويمكن لو عندنا اجهزة ومحللين وباحثين وغيرهم هنعرف تفاصيل كتير عن النخلة دي هتكون عاملة اذاي بس محدودية المعلومات عند الانسان ذي ما قلتلكم
فلو تأملت الحقائق دي تعرف حقيقة أنك عبد وتعرف
مقصودى لما قلت لم تتعدا خط الجهل وتعرف فعلا قيمتك الحقيقية
تدعي ربنا بقلبك وتقول اللهم اعفو عن جهلي وفقري وضعفي وزلي وانت قلبك قريب اوي من ربنا علشان عارف انت مهما بلغت ولا حاجة
سبحان الله
اللهم إني اعوذ بك أن اشرك بك شئ اعلمة واستغفرك لما لا اعلمة
والاجمل بقي إن كل قدر بيكون له مقدمات
طاقية ونفسية تسبقة قد يعيها البعض بعد رحلة من التدريبات والإدراك وتنمية الوعي والتعلم والتجرد من الطاقات السلبية وحجات تانية كتير
دا كان كلام بسيط عن القدر
ام القضاء قصة تانية خااااااااااااااالص إن شاء الله اكلمك عنها في منشور تاني
علي فكرة من مظاهر بهجة النعيم في حياتي وجدكم في هذا الكون
تخيل كده لو انت موجود في الكون ده لوحدك وشوف بقي قمة الوحدة والزهق
تخيل بجد الكون هيكون عامل اه من حوليك
الآن شوف الناس الي ممكن تكون مش بطقهم بمنظور تاني واستشعر الحياة
واستشعر اجمل واروع نعم من ربك وإلاهك وتذوق بهجة النعيم
في كل حاجة من حوليك وخليك فاكر إن الكون والاحدث ليس لها معني إلا منظورك عنها
يا تري هتشوفيها او هتشوفها اذاي
حتي التحديات والمصاعب والضغوط تخيل من غيرها سلوكك كان هيبقي عامل اذاي
تخيل كده يوم اجازتك قضيتة كله نوم ومقدرتش تقاوم نفسك لإنك كان نفسك تنام
مش بس كده لا دانتا كمان قمت غصب عن عينك لإنك حسيت بمغص الجوع
فعايز تاكل الجوع هو التحدي الي اجبر سلوكك علشان يحميك من الموت لو فضلت نايم
تأكد إن كل قدر حتي لو وحش وبيحرمك من شئ انت بتحبة هو خير ليك
بس مش هقول بسبب جهلك
لا بسبب عدم احاطتك بكل الابعاد والجوانب مش شايف الخير ده
خليك واثق في ربنا عيش اللحظة
تخلص من الاستعجال والعجلة الي مضيعة حياة الناس
الناس بقيت عايشة بالمستعجل وخليك فاكر العجلة من الشيطان
استشعر كل حاجة حوليك واحمد ربنا من قلبك رتب افكارك وحياتك
وعبر عن الي جواك ولو بإبتسامة او كلمة حلوة
ولو مش لاقي حد يفهمك خليك اكتر واحد يفهم نفسة
وحبها اوي وااعشقها اوي وافهمها واحتويها اوي
علشان بقدر حبك وفهمك واحتوائك لنفسك هتلاقي شريك حياتك بيحبك بنفس الدرجة اتصالح مع نفسك تتصالح مع ربك فتتصالح من نفسك ...
.. ربنا يعلم أن قلبي بيحبك ______ MGE

تعليقات
* لن يتم نشر هذا البريد الإلكتروني على الموقع.