#توضيح_الرؤى_والأحلام_والفرق بينهم




لكى نعرف عمق مقصود كلمة الاحلام نتأمل اولاً كلمة الحليم

الحليم معرفه ب ال هي صفه واسم من اسماء الله الحسني وقد يوصف بها الإنسان الرجل حليم

معني حليم اي الذي ينظر الي الاسباب والدوافع التي اضطرت شخص ما لفعل شئ ما

مثلا تخيل لو إنك سلفت حد مبلغ من المال ووقت السداد طلب منك التأخير بعض الوقت

وإنت مينفعش اطلاقا التأخير

بس بصيت لحياة الشخص ده واحداثه الشخصية

لقيت مثلا انه لسه عامل حادثه بعربيته وحصل حريق في شركته

والمدام هتموت وتعبانه جدا ووو

رحت انت رغم انك مينفعش تأجل وكان لازم تأخد اجراء قانوني

بصيت للظروف المحيطة بيه _دا وصف حليم

لذلك مفهوم أن الله _ حليم_ يعني يعلم الدافع التى تدفع الإنسان للسلوك

هل هو ضعف الانسان أم أن هذا السلوك يكون من الانسان بغيا وعدوا علي الله

علشان كده مثلا في اكل الميت قال _ فمن اضطر غير باغ ولا عاد فلا إثم عليه

مما يعني أن الاضطرار لأكل الميت بحكم ضعف طبيعته الانسان وعدم القدرة علي تحمل الجوع

فلا اثم عليه وليس باغياً ولا عاداً علي الله

دا اسمه الحليم وهو تجلى لإسم الله الحليم سبحانه

وإيه الي خلي ربنا حليم لإنه يعلم ويحيط بكل تفاصيل

حياتنا وسرنا وعلانيتنا

من هنا نفهم بقي إن الحلم

هو الإيحاطة والوعي بأبعاد الشئ ثم التعامل من خلال تلك الابعاد

علشان كده الطفل غير مدرك للواقع

لما بيبدء يتصل بالواقع ويفهم ويدرك ابعاد الواقع يبقي اسمه بلغ الحُلم

وفي نفس الوقت اي شئ

انت بتفهم وتدرك ابعاده في يومك وحياتك

ومفهومك ووعيك الي بيذيد ويتطور من خلال تجاربك

في الحياة اليومية دي اسمها احلام

يعني حياتك واعمالك خلال اليوم ووعيك وإدراكك للواقع

كل ده اسمه احلام

علشان كده الأية الكريمة تقول ايه

_ أَمْ تَأْمُرُهُمْ أَحْلَامُهُم بِهَٰذَا ۚ أَمْ هُمْ قَوْمٌ طَاغُونَ (32)

يعني وعيهم ودينهم ومفهوم وإدراكهم بيأمرهم بهذا ....واضح

طب كويس عرفنا معني الحليم _ وجت منها بلغ الحُلم

وعرفنا إن ادراكنا للواقع اسمه احلام

جميل احيانا الانسان يبقي نفسه يعمل حاجه معينه

بس مش قادر يعملها في الواقع

دي بتبقي طاقه في الانسان لم تصرف في الواقع الي هو الاحلام

لما الشخص ينام الطاقه دي تفرغ اثناء النوم

في احداث اسمها _ أضغاث أحلام,

علشان كده مثلا

واحد كان في جدال مع حد

ومعرفش يرد عليه الرد الي يرضيه اثناء الجدال

لما ينام يشوف الجدال مره تانيه

وهو بيتعامل مع الموقف بشكل معين مثلا دي اسمها أضغاث أحلام

جميل لحد لهنا

يبقي مفيش حاجه اسمها احلام وانا نايم إما _رؤيا _او أضغاث أحلام

كل وحده فيهم لها خصائص

نتكلم عن أضغاث الأحلام,الأول

ممكن تكون مفزعه جدا او مشبعه لرغبات الإنسان جدا

مثل الجماع مثلا إثناء النوم

دي أضغاث أحلام يعني طاقة لم تصرف في واقع اليوم

وشغلت حيز من التفكير والوعي

فالجسم بالفطره صرف عنها بشكل أضغاث أحلام

مش بيكون فيها اي رموز بيكون المشهد واضح تماما وعلشان

هي بتبقي طاقة مكبوتة في النفس

لو سلبية هتصرف بشكل سلبي ولو إيجابيه هتصرف بشكل إيجابي

_________________________________

طيب خصائص الرؤيا ايه

اذاي افرق بين الرؤيا وأضغاث الأحلام

علي فكرة الرؤيا اثناء النوم ترينا إيها الملائكة بإذن من الله

علشان كده ربنا بيقول _ وما جعلنا الرؤيا التي أريناك

اريناك بالجمع يعني ملائكة الرحمن بإذن من الله

يعني ربنا هو الي اعلم الملائكة بمستقبلك في الرؤيا

والملائكة تصمم لك المشهد بإذن من الله

الرؤية دائما خير إما تبشرك او تنذرك مينفعش تيجي بشر

وديما فيها رموز ومناظر واعداد واضحة

والوان واعمال مثيره للإنتباه والدهشه احياناً

مثل واحد يشوف انه _ بيمشي علي المياه _ يشيل جبل او ينفخ فيه يطيرة مثلا

_ حاجات كده مدهشه

ذي مثلا سبع بقرات سمان يأكلهن سبع عجاف _

طيب سمان يكلهمن عجاف طب اذي

بالمنطق حاجه مدهشه وفي نفس الوقت عدد واضح سبع

وذي مثلا _ سبع سنبلات خضر_ عدد ولون واضح كده يعني

طيب ممكن حد يقولي انت بتقول مينفعش الرؤيا تكون فيها شر

بس مشهد سيدنا يوسف لما قال

_ وَأَمَّا الآخَرُ فَيُصْلَبُ فَتَأْكُلُ الطَّيْرُ مِن رَّأْسِهِ قُضِيَ الأَمْرُ الَّذِي فِيهِ تَسْتَفْتِيَانِ

طب ما دا مشهد سلبي اهو وشر

اقولك خلي بالك هنا الرجل كان اخطى اساسا واجرم في الاساس

وهو محكوم عليه ومنتظر الحكم فالرويا هنا تعتبر

منذره ونذير له _

ودا مصار صحيح بنص الأية الكريمة {وَما نُرْسِلُ الْمُرْسَلِينَ إِلاَّ مُبَشِّرِينَ وَمُنْذِرِينَ

علشان يستغل الايام الباقية من عمرة افضل استغلال

المهم يا اصدقائي ومتابعيني الأفاضل

الرؤية عمرك ما هتشوفها وقلبك ينقبط او تحزن او تخاف

او اي حاجه من كل ده

الرؤيا بتثير دهشتك وفضولك

وبيكون فيها اسس واضحة وبقدر عمق الانسان

وبتتعاد نفس الرسالة بأشكال مختلفه

اتمني يكون المفهوم والشرح واضح

ويسعدني استقبال اي استفسار لحضراتكم

ودمتم في سلام من الله ولكم خالص تحياتي #مدرب_القيادات_mge 


تعليقات
* لن يتم نشر هذا البريد الإلكتروني على الموقع.